Shri Datt Guru Aarti - Swarachit

*********श्री दत्तगुरूंची आरती *********

(चाल - आरती ज्ञानराजा, महाकैवल्य तेजा यासारखी)

आरती अवधूता, दत्तात्रेया समर्था,
सद्गुरूरूपे तू, तारी आम्हा पतिता || धृ ||

त्रिगुणात्मक रूपे, अत्र्यनुसयेचे पोटी
अवतार घेसि तू, विश्व कल्याणासाठी || 1 ||

निराकार परब्रह्म, झाले साकार आता,
दत्तगुरुरूपाने, मार्ग दाखवी अनाथा || 2 ||

वाडी आणि औदुंबर, अक्कलकोट गिरनार,
गाणगग्रामीही, वास तुझा निरंतर || 3 ||

अर्पूनिया ताठ मान, चरणी घेता लोटांगण,
येरझारे चुकवी तो, दत्त चरणांची आण || 4 ||

श्रीदत्तचरणरज, लागे श्रीदत्तांच्या पायी,
बंधमुक्त करी मजला, धाव पाव माझे आई || 5 ||

     ********* श्रीदत्तचरणरज*************