श्रीदत्तजयंतीची सेवा

 श्रीदत्तजयंतीची सेवा ...

सदा चित्त राहो श्रीचरणाचपाशी

सदा ध्यान राहो श्रीनारायणाशी

सदा नाम राहो मुखी श्रीपदाचे

सदा कामकाजी वदा नाम वाचे

समर्था तुझ्यासाठी हा देह सांडो

तुझ्या रूप नामातही गोडी वाढो

पदांचे तुझ्या ध्यान लाहो सदैव

मनी अंतरी श्रीगुरु हाची भाव

पदी लागता उद्धरी तू जनासी

असे मूढ हा फक्त अज्ञानराशी

कृपासागरा हात हाती धरावा

बुडे अर्णवी देह हा सावरावा

मनी काय आहे तुला सर्व ठावे

मुखी मानसी नाम तुझेची द्यावे

करी वासना कामना मोह नष्ट

नामी तुझ्या होई असंग भ्रष्ट

अनादि अनंतास ध्यानी धरावे

प्रभू कारणे शब्द वेचित जावे

सदा वैखरी नामरंगी बुडावी

तनु साजिरी ईशपायी झिजावी

                               श्रीदत्तचरणरज