मळातून जन्मुनी, असे जो निर्मळ
रूप जे तेजाळ, गणेशाचे ।।
दुष्ट संहारक, विघ्नांचा नाशक
सुजनांचा पालक, सर्वकाळ ।।
बुद्धी विद्या मती, याने तू श्रीमंत
रिद्धी सिद्धी साथ, अखंडची ।।
हातासी धरोनि, मार्ग दावियेला
सद्गुरुसी जोडिला, या दासाला ।।
सांगावा रायाचा, सांगणारा तूचि
देणाराही तुचि, त्याच्या करवी ।।
आशीर्वाद तुझा, अखंड रहावा
जन्मोजन्मी द्यावा, आश्रय चरणी ।।
श्रीदत्तचरणरज
No comments:
Post a Comment