श्वास माझा दत्त, ध्यास एक दत्त
करू पुरुषार्थ, दत्त कृपे ।।
मुखी घेता नाम, चरणी प्रणाम
होई तो विराम, वासनेचा ।।
विषयांचे मूळ, तोडी तो समूळ
उद्घरितो कूळ, नामस्मरणे ।।
मूळमायेचा तो, छेदिता पडदा
दिसे रूप सदा, त्रैमूर्तीचे ।।
सांडावे हे तन, अर्पावे हे मन
वाहावे हे धन, दत्त काजी ।।
झालिया फकीर, सांडो नये धीर
करितो खंबीर, परमार्थी तो ।।
दत्त चरणांशी, अर्पूनिया भाव
पदी देई ठाव, माऊली ही ।।
रंगताचि रंगी, तल्लीन श्रीरंगी
जन्म मृत्यू भंगी, मोक्ष दाता ।।
त्रैलोक्याचे सुख, देई तो अनंत
व्हावे अवधूत, दत्ता संगे ।।
*****श्रीदत्तचरणरज*****
No comments:
Post a Comment