माझे असे काय आहे?

 माझे असे काय आहे जे मी तुला अर्पण करू शकतो? 

हा देह तुझा, हा प्राण तुझा, हा श्वास तुझा. 

.

.

         थांब थांब....आहे आहे ... माझं असं काहीतरी आहे ...यादीच देतो तुला. 

         फुकाचा अहंकार, अकारण गर्व, अमर्याद वाढलेल्या वासना, सततची अतृप्ती, तुझ्यावरील अविश्वास, काम क्रोधाचा अतिरेक, लोभाचा मदाचा हव्यास, मत्सराने भरलेलं मन, सततची काळजी संशय आणि चिंता. 

         घे... इतकं सारं ... हे फक्त 'मी आणि माझंच' आहे. 

आता तुला माझं असं काही अर्पण करायचं तर मला हेच सर्व अर्पण करावं लागेल. 

समर्था हे सर्व तुझ्या चरणी अर्पण करून मला अगदी रितं व्हायचंय.... अखंड तुझ्या नामस्मरणात बुडून जायचंय...

श्रीदत्तचरणरज