श्रीदत्त जगन्ज्योती

 श्रीदत्त जगन्ज्योती, निर्मळ मने करितो तुमची आरती!

निशी दिनी तुम्ही स्वामी, रक्षिती भक्तांसी
उद्धरिसी पतीतांसी पापक्षालन करुनी !

नामसाधना करुनी, जपतपचरित्र बोधामृत सेवूनी
मनवाचाक्रियमाण अर्पूनी तुझे चरणी
अनन्यभावे भजता, येई तू ये स्मर्त्रुगामी !!

तुझे दान तुला अर्पुनी, जीवनधना चालवी तू तुझ्या साधनी
सोडवी हे दीनबंधू, तारी तारी भवसिंधु
तोडी तोडी गुरुराया, तोडी भव बंध माया!!

श्रीदत्त जगन्ज्योती, निर्मळ मने करितो तुमची आरती!
श्रीदत्तचरणरज प्रार्थी हे गुरुराया,
ज्योत ही विलिन करि तू, महाज्योतीतया प्रभू !